حكايه ماما فايزه

الحكاية ابتدت في اواخر الثمانينات لما الحاجه فايزه تزوجت كزوجه ثانيه من شاب #فلسطيني #سوري اسمه خضر قدسيه و سافروا علي سوريا ... فايزة و زوجها ربنا رزقهم بطفلين(سامر و رضا).

فايزة بعد ١٤ سنه قضتها في سوريا مع زوجها و اولادها و تحملت ظروف صعبه من معامبة زوجته الاولي لها ... نزلت أجازه لمصر عشان تشوف اهلها و اخدت معاها رضا ابنها.

تواصل معاها زوجها و طلب منها ترجع عشان ميعاد دخول إبنهم المدرسه اللي كان عمره وقتها 9 سنوات ... و طلب منها يستلمه منها في ليبيا عشان يسفره سوريا و ان عي تسافر الي لبنان و منها لسوريا عشان مش هيعرف يسفرها من ليبيا حسي ما قالها

فايزه ادته الولد و سافرت و وصلت المطار عشان تفاجأ بالمسؤلين في المطار منتظرينها، بلغوها انها ممنوعة من دخول البلد و الازم ترجع و ان لو ولادها عايزنها لازم هما اللي يبعتوا لها

حاولت و عيطت و طلبت تكلم زوجها او اي حد ... بس للاسف مقدرتش.

مكانش معاها فلوس ترجع مصر و راحت علي الاردن لغايه ما فقدت الامل انها تعرف تدخل سوريا لولادها و دبرت امورها عشان ترجع مصر ، و حاولت تتواصل مع زوجها و أولادها و فشلت ..  حاولت من خلال السفاره السوريه في مصر و للاسف لم يصلها اي معلومات عن ولادها ... و القصه دي حصلت من  31 سنه.

ابنها رضا و اخوه سامر تواصلوا معانا و قالوا لنا احنا معندناش صوره لماما غير في خيالنا للأسف ... و مفيش حتي صور لنا واحنا صغيرين ... بس رضا قال ابني شبهي وانا صغير ممكن ننشر صورته و ممكن اديكم صورة بابا اكيد هي هتفتكره لو شافته ... تقدروا تساعدوني ؟

وبالفعل ... عملنا منشور للبحث عنها و الحمد لله وصلنا لها و بالفعل كان لنا شرف عمل اول مكالمه  تليفون بينهم بإستخدام فيسبوك و ان شاء الله هنحاول نجيب

ولادها علي مصر عشان يشوفوا أمهم اول مره بعد 31 سنه لتكتشف الام انهم كانوا فاكرين انها ماتت لغاية من فتره بسيطه لان احد اقاربهم قالهم و هم صغيرين انها ماتت في حادثه

اللي حصل مع الأم من 31 سنه ولادها متعرفش عنه حاجه ... و دي كانت أول مره يعرفوا القصه الحقيقه وراء اختفاء امهم