أخيرا دانه الأردنيه في أحضان والدتها بعد 8 سنوات غياب

 اخيرا بعد ٨ سنين بندور عليها من خلال أطفال مفقوده و بننشر صورتها بلا توقف ... عرفنا مكان دانة #الأردنية و أهلها وصلوا مصر عشان يشوفوها بعد كل السنين دي.

دانة شابة من أب مصري و أم اردنيه، عاشت مع والدتها في الأردن و كانت في زيارة لمصر سنه ٢٠١٥ و فجأه اختفت قبل السفر مباشرة.

الاسره بحثت في كل مكان بلا اثر وقتها ... بعد فتره ظهرت صوره علي الفيسبوك لواحده عليها آثار تعذيب في الشارع و الاسره قالت إن دي بنتنا دانه ... للاسف لما الاسره وصلت عرفوا ان البنت تم ايداعها مستشفي العباسية و لكن للاسف المستشفي مشتها ... و من وقتها البنت اختفت تمام بلا أثر.

من ٣ ايام توصلنا لأسره عايشه خارج محافظه القاهره عثرت علي دانه سنه ٢٠١٦ الساعه ٢ الفجر و كانت بتعيط و في حالة نفسية سيئة .. الاسره دي اخدت " دانة " تعيش وسطهم من وقتها و رب الاسره دي توفي من فتره قريبه و كانت وصيته " دانة " عشان ملهاش حد .. الله يرحمه و يحسن اليه.

مبروك اسرة دانه .. و شكرا لهذه العائله ... و عقبال كل مفقود.