حكايه ماما ماجده

سيده مصرية اسمها ماجده ... السيده ماجده تزوجت من رجل أردني سبق له الزواج في الأردن و عنده اولاد من زوجته الاولي ... السيده ماجده رزقت من زوجها الأردني ولد و بنت

بعد سنتين من زواج هادئ للاسف توفي زوجها الأردني و عاشت لوحدها فتره ... والد السيده ماجده رفض انها تعيش في #الأردن لوحدها بدون زواج أو تتزوج في الأردن.

و فعلا ... تزوجت ماجده من رجل #مصري محترم عايش في الأردن و ذهب أولادها من زوجها الأردني عشان يعيشوا مع اخواتهم من والدهم و كانت بتروح لهم بإستمرار و كانت علاقتهم طيبه للغايه.

حصل مشاكل للسيده ماجده لها علاقه بالإقامة في

الأردن و تجديد جواز السفر و رجعت علي مصر علي أمل انها ترجع للاردن من جديد لاولادها ... بس للاسف محاولاتها فشلت.

السيده ماجده حاولت كثير توصل لاولادها بكل طريقه و كل وسيله و لكن للأسف فشلت كل محاولاتها .. الموضوع حصل في زمن التواصل فيه كان صعب و التكنولوجيا مكانتش تسمح بحاجات كثير للاسف.

و من اسبوع ارسل لنا أولادها في الأردن بيبحثوا عن امهم .. و ارسلوا لنا صورتها و حكايتهم ... و بدأنا نبحث بكل شكل و كل طريقه عنها  و الحمد لله ربنا وفقنا ووصلنا لها و قدرنا النهارده نكون حاضرين علي اول مكالمه فيديو بين الام و اولادها بعد 37 سنه !

مفيش كلام يوصف هذه اللحظات .. مفيش حاجه نقدر نقولها غير ان ربنا أكرمنا كرم كبير اننا سبب في هذه السعاده و هذه اللحظات اللي عمرنا ما هننساها.